جاء تعليق فريدة سيف النصر على إلغاء حفل محمد رمضان بالإسكندرية بمثابة مفاجأة للجميع، وهذا ما نشرته عبر صفحته الشخصية على موقع التواصل الاجتماعي “فيس بوك”، ودافعت فيه عنه وهاجمت من ألغى حفلته.
تعليق فريدة سيف النصر على إلغاء حفل محمد رمضان بالإسكندرية
وكتبت الفنانة فريدة سيف النصر تعليق قائلة “هو في إيه.. محمد رمضان، كده أوفر أوي، اللي بنسمعه ده أغرب من الخيال طول عمرنا بنعمل مسرح في ماريا عروسة البحر الأبيض طول عمرنا عارفينها فاتحة أحضانها للفن، وهي منبعه أكرم ناس ذواقة لكل الألوان من مستوى السيد درويش لحد بدارة، وحمو بيكا وأكتر من كده هو وزمايله، أشمعنى بقى.. لا إله إلا الله”.
وتابعت قائلة “على فكرة اللي اتخرب بيته اللي عامل الحفلة، وعارفين هم حقيقي باعوا التذاكر كلها، طيب الناس اللي بتحبه يولعوا يعني عشان العند والتصاريح.. على فكره معجبينه كلهم شباب، وغالبية عظمى ملهمش في عند وحقد العواجيز ومحاولات الهدد، لكن لو سعادتك ارتحت يهمنا راحتك يا رب بردًا وسلامًا، يا ساتر يا رب”.
فريدة سيف النصر تنتقد من ألغى حفل محمد رمضان
واستكملت “المسؤول عن التصريح ناقص يدخل اللي مش على مزاجه بفيزا، واللي مش قادرين يفهموه، الفنان لو له عمر بيستمر أكتر من أي مركز وكرسي زائل، هو إيه الغلب ده هو تار، ولا إيه، طيب نفهم عشان مندافعش فهمونا يا ريسنا الإسكندرية مش بتاعت أي مسؤول، دي بتاعتنا كلنا معظمنا أهالينا هناك عند العروسة، وكرم الدنيا، والجدعنة الإسكندراني مبيكرهش حد وبيحب كل الألوان ما بيكا أهو مثلا تاني أهو”.
وأضافت “يعني إيه تصاريح؟ محافظات مصر كلها للمصريين.. وكل ده وقت لتصريح حفلة معروفه للكل وإشمعنى الأجانب هوا يتعمل كل حاجة وحفلات لغير مصريين على رأسنا، لكن بالنسبة لأبنها إيه بقى هو في إيه؟، الحرب والحقد مش للدرجة دي كتير كدة الإسكندرية أهلها بس اللي يقرروا، ولو قالوا يبقى تمام، لكن عند مع مسؤول مينفعش، واللي يكلمني ويقول لي بتطبلي له أهو شغلك معاه إيه الأدب ده”.
وأنهت قائلة “أولًا رمضان مبيدخلش في حاجة، في حاله ومحترم قسمًا بالله وبرضه مسلسل موسى، محمد سلامة اللي رشحني، ده ابني، يعني اسألوه، ومسلسل العمدة اللي مرشحني محمد سامي، وكنت عايزة اشتغل معاه بجد، وأنا بحبه هو ومي جدًا من القلب للقلب، ده لو بيقبضني وعامل لي بطولات مش هتضايق كده بس بجد حرام نهدى بقى”
