كشف الإعلامي محمود سعد عن رأيه في الحضور الجماهيري الضخم لحفل مطربي الراب ويجز أمس بالتجمع الخامس، ووجه انتقاد شديد اللهجة إلى الفنان مصطفى كامل نقيب المهن الموسيقية، وهذا جاء بسبب العديد من الشروط التي تم وضعها مؤخراً على كل مطربي المهرجانات.
انتقادات محمود سعد لمصطفى كامل بسبب ويجز
ووجه محمود سعد كلمته للفنان مصطفى كامل في فيديو من خلال حسابه على موقع التواصل الاجتماعي “فيس بوك”، قائلاً “مصطفى كامل قال لازم مغنيين الراب يغنوا بفرقة وبعدين تراجع وقال لازم يبقى معاهم 6 عازفين وحاجات عجيبة أوي.. وأغنية كله على كله لما تشوفه قوله، لما كنا صغيرين كنا بنغنيها لكن الصحافة دبحوا عدوية”.
رأي محمود سعد في حفلة ويجز أمس وحضور الجماهير
وأضاف محمود سعد قائلاً “شفت حفلة لويجز وشفت منظر رهيب فكرت إنها صورة مش حقيقية، ولكن حضرها 52 ألف والناس تهاجم ويجز، ولكني مستغرب شروط مصطفى كامل لما قال لازم مطربي الراب يغنوا بفرقة دي حاجة عجيبة مفيش حد يشترط على مطرب يغني ازاي غير الملحن”.
حفل ويجز حضره 52 ألف شخص أمس
وتابع “الغنا ده حياة الروح زي ما قال بيرم التونسي، لأنه الفن الوحيد اللي ممكن يمارسه أي حد في أي حتة وأي مناسبة، وانت مبسوط بتغني وانت زعلان ومتضايق بتغني، الغنا ده بيعبر عن الناس يعني مش حاجة فيها انت عايز الناس تغني على مزاجك هو حر ليه تشتموه الغناء مزاج مكانش يبقى فيه فايزة ونجاة ووردة وشادية وأنغام وشيرين”.
وانهي حديثة قائلاً “دايماً الجديد بيكون عامل قلق، والدنيا اتغيرت ويجز مش بيحتك بأمور سياسية ولا بيمس أمور دينية ولا بيقدم حاجات فيها إباحية، ويجز بيأسس لفن جميل تعالوا نساعده يمكن محتاج مساعدة، ومحتاج أراء داعمة وفي 52 ألف شخص نزلوا يسمعوه في حفله الأخير وأغانيه على يوتيوب جايبة 100 مليون”.