قام الفنان حسام حبيب بالإعلان عن تفاصيل عودته إلى الفنانة شيرين عبد الوهاب، وهذا جاء من مداخلة هاتفية مع الإعلامي عمرو أديب في برنامج “الحكاية” الذي يبث على قناة إم بي سي مصر الفضائية.
تعليق حسام حبيب على عودته لشيرين عبد الوهاب
وتحدث حسام حبيب قائلاً “هي طبعا اللي أقنعتني، أحنا زي أي اثنين في الدنيا، خناقتنا هبلة وعبيطة، وزي أي أتنين في الدنيا، وحياتنا لما تبقى مفتوحة على الناس، هو اللي بيكبر المواضيع، والسوشيال ميديا، والناس اللي بتقول كلام متعرفوش، لكن إحنا بساط جداً، وخناقتنا زي أي اتنين في الدنيا”.
تفاصيل عودة شيرين لحسام حبيب
واستكمل حبيب “تكلمنا قبل ما نرجع، حطينا قواعد، كل واحد محتاج يركز في حياته، وحياتنا احنا الاثنين مع بعض تبقى مقفولة علينا، وحطينا كل واحد أهدافه، وإيه اللي كان مضايقة في التاني، قبل ما تحصل المشاكل دي كلها، وعدنا بعض كل واحد فينا هيشرف التاني، يبقى عايز التاني يبقى مبسوط بيه، وفي نفس الوقت حياتنا الخاصة دي لينا إحنا بس، مش لأي حد تاني، وأنا بحبها، أنا عاذر كل واحد خايف عليها، وهي فعلا عدت بأوقات صعبة، وأنا زعلان عليها، ومش هعرف أوضح لكل حد حاجة، وأنا مبحبش أدافع عن نفسي”.
(العريس جنبك يا شيرين ولا مريح؟) حسام حبيب: شيرين اللي اقنعتني وهتاكلني علقة دلوقتي .. وعمرو اديب: لا ماتقولش كده قدام الرجالة؟
تقدر تشوف الحلقة كاملة على شاهد (اتفرج ببلاش)https://t.co/DxuI7wJ7lj#الحكاية#MBCMASR2 @sherine pic.twitter.com/0czywRwR0w— الحكاية (@Elhekayashow) November 11, 2022