وجه الإعلامي أحمد شوبير، رسالة لشوقي السعيد لاعب الزمالك والإسماعيلي السابق، بعد تمنيه خسارة الأهلي في نهائي دوري أبطال أفريقيا.
الأهلي سيخوض نهائي دوري أبطال أفريقيا يوم السبت المقبل أمام فريق كايزر تشيفز الجنوب أفريقي، بملعب محمد الخامس في مدينة الدار البيضاء المغربية.
رد أحمد شوبير على شوقي السعيد
شوبير عبر برنامجه بقناة “أون تايم سبورت”، قال :”مع احترامي للبعض اللي هيدبح نفسه لو الأهلي خسر احنا مش عايزينك تدبح نفسك بالعكس عايزينك عايش وتكون تمام ومحتاجينك ومحتاجين كل شخص”.
وواصل الإعلامي الكبير كلامه :” نفسي كل شخص يرى أن فوز اللأهلي ببطولة قارية أو الزمالك بيوجعه خلي الوجع جواك بلاش تعلنه، لأنك لما تطلع بتثير عطف الناس مش غضب لأن مفيش حد بيغضب منك خالص لأنك هتسأل عن قواك العقلية، شايف لو عايز الأهلي يخسر أو الزمالك، حقك بينك وبين نفسك”.
وواصل نجم منتخب مصر السابق كلامه بقوله :”أنا واضح بنسبة 100% بكون عايز الأهلي والزمالك يفوزوا دائما ببطولة قارية، كلنا هنشجع الأهلي، مش هتشجع اسكت هتكون فرحان لما الأهلي يدخل فيه هدف اقعد وسط جماعة زيك واتنطط لما الأهلي يدخل فيه جول، بس بإذن الله الأهلي هيسعد الأغلبية العظمة الأسوياء”.
تصريحات شوقي السعيد
وكان شوقي السعيد لاعب الزمالك والإسماعيلي السابق، قد خرج بتصريحات مثيرة عندما قال أنه سيكون أسعد إنسان في العالم في حال خسارة الأهلي للنهائي الأفريقي.
وأضاف السعيد أنه لا يشجع الأهلي أبدا مهما كان منافسه، وأنه أتفق مع أحد أصحاب الأفران بشراء كل أرغفة “كايزر” من عنده في حال فوز كايزر تشيفز على نادي القرن وحامل لقب دوري أبطال أفريقيا.