قامت الفنانة كارولين عزمي بالكشف عن تعرضها إلى التحرش صباح اليوم في سيارتها، وهذا جاء من خلال مقطع فيديو من الحادث عن طريق حسابها الشخصي على موقع التواصل الاجتماعي المخصص لنشر الصور والفيديوهات “إنستجرام”، وعلقت عليه قائلة “مساء الخير، أنا اللي يعرفني أو متابعنى عارف أني شخص مالوش فى المشاكل، ولا عمري شاركت مشكله تخصني سوشيال ميديا”.
تفاصيل تعرض كارولين عزمي للتحرش في سيارتها
وكشفت كارولين عزمي عن تفاصيل تعرضها للتحرش، قائلة “كنت في عربيتي وجنبي عربية فيها واحد كسر عليا كل اللي عملته إني بصيت له وبصيت قدامي، فلقيته بيكرر نفس الحركة تانى باستظراف، روحت طلعت الموبايل وعملت نفسي بصور عشان اخوفه واخليه يبطل يضايقني، اتفاجآت وهو بيقول لى بتصوريني يا بنت لفظ خادش”.
كارولين عزمي تصور واقعة التحرش كاملة
وأضافت كارولين قائلة “ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم، وبدأ يقول لي تعالي ورايا، والحقيقة إني مش عارفة أروح وراه فين أو كان عايز يعمل ايه، ولأني اتوترت وخفت ساعتها ما قدرتش اصور 1% من اللي عمله الشخص دا”.
كارولين تطالب بعودة حقها من المتحرش
وأنهت كارولين عزمي حديثها قائلة “أنا أتشمت واتهنت وأتشمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقي لمجرد إنه شخص مريض!، أكيد الشخص دا أذى بنات كتير لإنه تقريباً متعود على الحركات دى، ومتعود يخوفهم ومش همه حتى إنه يتصور ويتفضح، أنا عايزة حقي يرجع لي”.
View this post on Instagram