الخميس 12-11-2026 04:48 كتب: معاذ عبد المنعم , إسلام صادق
حلمي طولان تصوير : آخرون
انتقد حلمي طولان، نجم الزمالك والكرة المصرية السابق، أجواء الجلسة التي جمعت رموز وقدامى نادي الزمالك مع مجلس الإدارة، لمناقشة ملف تأسيس شركة الكرة، مؤكدًا أنه لم يشعر بالرضا عن المناقشات التي شهدتها الجلسة، بسبب ما وصفه بغياب الصراحة والشفافية في عدد من الملفات.
وقال حلمي طولان، خلال استضافته في برنامج "يا مساء الأنوار"،عبر قناة "MBC مصر 2": "أنا مش مبسوط بالجلسة، مكنش فيها صراحة، إحنا اتكلمنا وقلنا تخوفاتنا، وللأسف في ناس طلعت بتقول إن القدامى جايين علشان يشتغلوا.. نشتغل فين! إحنا مش محتاجين حاجة من النادي إطلاقًا".
اقرأ أيضًا: شرط وحيد لعودة اللاعب المالي.. أمير هشام يكشف موقف الأهلي من استعادة ديانج
وأضاف: "إحنا بنتكلم على الناس المحتاجة، وعلى اللاعبين القدامى اللي محتاجين دعم، وكل اللي كانوا قاعدين في الجلسة ناس مبسوطة جدًا، ومفيش حد كان جاي يدور على مصلحة شخصية أو منصب داخل النادي".
وتابع نجم الزمالك السابق: "أنا مش مبسوط لأن فيه عدم شفافية في الكلام في كل الأجزاء، كلنا بنقرأ وبنشوف إن فيه مستثمرين، وفي المقابل هما بيقولوا مفيش حد خالص، مفيش حد موجود خالص".
وأوضح حلمي طولان أن هذا التباين في التصريحات يثير تساؤلات تحتاج إلى إجابات واضحة من مجلس الإدارة، قائلًا: "طبعًا الكلام ده بيفرق، لازم يكونوا صرحاء معانا، إحنا عاوزين نفهم علشان لما نتكلم يكون الكلام واضح".
واختتم حديثه بالإشارة إلى وجود تساؤلات أخرى بشأن الشخص الذي سيتولى رئاسة شركة الكرة، موضحًا أن ما تم طرحه خلال الجلسة هو عدم تولي أي عضو من مجلس إدارة النادي هذا المنصب.
