الاثنين 09-11-2026 02:41 كتب: رانيا عبدالوهاب
محمد صلاح وحسام حسن - صورة أرشيفية تصوير : آخرون
محمد صلاح وحسام حسن - صورة أرشيفية
وجه إبراهيم سعيد، نجم الكرة المصرية السابق، رسالة قوية إلى محمد صلاح، قائد منتخب مصر، بسبب موقفه عقب رحيل حسام حسن وشقيقه إبراهيم حسن عن القيادة الفنية والإدارية للمنتخب الوطني.
وشهدت الساعات الأخيرة غيابًا تامًا لصلاح، وعدم نشره رسالة شكر للتوأم بعد انتهاء مهمتهما مع المنتخب الوطني، بالإضافة إلى نشر صلاح صورة له أثارت حالة كبيرة من الجدل.
اقرأ أيضًا: مدرب القناة: تفاجأت بعدم انضمام شلاطة للمنتخب
وكتب إبراهيم سعيد، عبر حسابه الرسمي على موقع التواصل الاجتماعي «فيسبوك»: «أنا عارف إن الكلام ده ممكن يزعل ناس كتير جدًا مني، لكن أنا بتكلم عن مبدأ عشته واتربيت عليه، ومش هغير قناعتي علشان أرضي حد. كنت أتمنى من محمد صلاح، كابتن منتخب مصر، أن ينشر بوست تقدير واحترام للأسطورة والكابتن التاريخي حسام حسن، وأنا هنا مش بتكلم عن مجاملة أو واجب اجتماعي، أنا بتكلم عن مبدأ اتعلمته وعشت بيه طوال مشواري الكروي. على مدار تاريخي كلاعب، اتعلمت إنك تحترم كابتنك، وتحترم اللي سبقوك، وتحترم رموز اللعبة وتاريخها، مهما اختلفت معاهم ومهما كانت وجهة نظرك فيهم».
وأضاف: «وكان ليا موقف مع الكابتن محمود الجوهري، رحمة الله عليه، بعد ترحيلي من مالي من قائمة منتخب مصر في كأس الأمم الأفريقية بسبب التأخير عن ميعاد التواجد في الغرفة! ورغم الموقف الصعب ده، ورغم أي اختلاف حصل بيننا، عمري في حياتي ما اتكلمت عنه بشكل يقلل منه أو من تاريخه، لأنه في النهاية أسطورة في عالم التدريب، وواحد من أهم الأسماء اللي صنعت تاريخ الكرة المصرية، وكان من أصحاب الفضل عليّ بعد ربنا، وساندني في أصعب أزماتي، وده درس عمره ما هيتنسي».
وتابع إبراهيم سعيد: «دي مش مسألة اتفاق أو اختلاف، ولا مين أكبر من مين، ولا مين نجم عالمي ومين أسطورة محلية أو أفريقية. دي مسألة أصول ومبادئ وتربية واحترام لتاريخ بلدك ورموزها. محمد صلاح نجم كبير ونجاحه فخر لمصر، لكن كنت أتمنى منه تحديدًا، بصفته كابتن منتخب مصر، أن تكون عنده لفتة تقدير واحترام تجاه حسام حسن. النجومية مش بس أرقام وألقاب واحتراف عالمي، النجومية كمان مواقف وأخلاق وتقدير للناس اللي صنعت تاريخ قبلك».
واختتم: «أنا اتعلمت إنك ممكن تختلف مع أي حد، وممكن تختلف معاه في أصعب المواقف، لكن عمرك ما تنسى قيمته ولا تاريخه. أنا مش بقول الكلام ده علشان أكسب إعجاب حد، ولا خايف أخسر إعجاب حد، دي قناعتي وده المبدأ اللي عشت بيه، واللي مش هغيره لا علشان شهرة ولا نجومية ولا حسابات. بالتوفيق لمنتخب مصر الفترة القادمة».
