أعلنت الفنانة الشعبية رحمة محسن عن إتخاذها جميع الإجراءات القانونية ضد المسيئين لها على مواقع التواصل الاجتماعي المختلفة.

رحمة محسن تتخذ كافة الإجراءات القانونية ضد المسيئين لها

وقالت رحمة محسن في مقطع فيديو لها نشرته عبر حسابها الشخصي على موقع تبادل الصور والفيديوهات إنستجرام ورصده موقع تحيا مصر: أنا ياما بتشتم وبيطلع عليا إشاعات وعمري ما رديت بس المرادي هرد، بقينا لما نشوف حد ناجح نكسر مقاديفه ونحاربه ونكرهه في العيشة.

وتابعت رحمة محسن: قبل ما اتشهر اتمارس عليا الظلم والافترا ومش هقدر اتحمل حد يعمل معايا كدا تاني، أنا كنت في مديرية الأمن وكل حد قال عليا كلمة أنا هاخد حقي بالقانون، أنا مش هسكت لأي حد يفكر أنه يشوه سمعتي عشان متضايق إن الناس بتحبني.

طرح أغنية غول الأصول من مسلسل فهد البطل

وسبق وأن طرحت قناة أون الأغنية الدعائية لـ مسلسل فهد البطل بصوت المطربة الشعبية رحمة محسن والتي تحمل اسم غول الأصول، وذلك من خلال منشور عبر حسابها الشخصي على موقع التواصل الاجتماعي فيسبوك.

وعلقت قناة أون على المنشور الذي يرصده موقع تحيا مصر وكتبت: غول الأصول لو حضر الطلق ينزل مطر اسمي الكبير معلمة فهد البطل ملحمة أغنية غول الأصول لـ رحمة محسن لمسلسل فهد البطل انتظروه على شاشة ON في رمضان 2025.

أخر أعمال رحمة محسن

ومن الجدير بالذكر أن أخر أعمال رحمة محسن أغنية حفلة تنكرية من مسلسل فهد البطل، وكانت تقول كلماتها: يا عين يا ليل يا ليل يا ليل يا عين ياليل ناس مش أحلى حاجة والحال مش مية مية الدنيا بقت عباره عن حفلة تنكرية وحفيت على حد سالك ومالقيتش يا دنيا حد والنفسيات تخوف واللي جوه الناس يخض وحفيت على حد سالك ومالقيتش يا دنيا حد دي النفسيات تخوف واللي جوه الناس يخض ده أنا الزمان ياما دغدغني ده مضحي بيا ومستغني لما ضحكت لي الأيام سهتني علشان تلدغني قولوا لي راحة البال فينها الدنيا كترت أسافينها والحزن عامل فيها شقيق والفرح عامل من بنها الدنيا عاملة عامله معايا الغلط عملت إيه في حياتي غلط؟ الدنيا عاملة معايا الغلط عملت إيه؟ ده أنا الزمان ياما دغدغني ده مضحي بيا ومستغني ولما ضحكت لي الأيام سهتني علشان تلدغني قولوا لي راحة البال فينها الدنيا كترت أسافينها وهتيجي فرحة قلبي منين والدنيا والناس دايسينها.